ہندوستان کا تاریخی خاکہ | کارل مارکس | Hindustan Tarikhi Khaka

 ہندوستان: ایک تاریخی خاکہ | کارل مارکس | Hindustan: A Historical Outline

ہندوستان کا تاریخی خاکہ مارکس اور اینگلز کی کتاب ہے، جس میں مارکس نے ہندوستان کی تاریخ کا خلاصہ پیش کیا ہے۔ یہ کتاب بنیادی طور پر ۲۶۴ء سے ۱۸۸۵ء تک کے واقعات کا احاطہ کرتی ہے اور نہایت عمدہ کتاب ہے۔ اس میں مارکس اور اینگلز نے ہندوستان کی تاریخ سے منسلک واقعات کو اس طرح بیان کیا ہے کہ یہ کتاب ہندوستان کی تاریخ کا انسائیکلوپیڈیا بن گئی ہے۔ ہندوستان کی تاریخ اور خاص طور پر برطانوی دور پر مارکس کی رائے جاننے کے لیے یہ ایک انتہائی اہم کتاب ہے۔ اگرچہ ہندوستان کی تاریخ سے منسلک مختلف واقعات پر مارکس کے اظہار کردہ خیالات سے جزوی اختلاف ممکن ہے، مگر اس کتاب میں مارکس اور اینگلز نے جس تاریخیت اور سیاسی بصیرت کا مظاہرہ کیا ہے، اس سے انکار نہیں کیا جا سکتا۔

ہندوستان کا تاریخی خاکہ ایک بہترین کتاب ہے جس میں کارل مارکس نے ہندوستان کا تاریخی خاکہ پیش کیا ہے۔ یہ کتاب بنیادی طور پر 804ء سے لے کر 1857ء تک کے تاریخی واقعات کا احاطہ کرتی ہے، جس میں ہندوستان میں مسلمانوں کی آمد اور ان کی فتوحات، خراسان میں مسلمان حکمران خاندان، محمود غزنوی کے ہندوستان پر حملے اور اس کی اولاد کا دورِ حکومت، غوری خاندان کا عروج، دہلی کا خاندانِ غلاماں، خلجی خاندان، تغلق خاندان، سادات خاندان، لودھی خاندان اور بابر کی ہندوستان میں آمد، اس کے بعد مغلیہ خاندان، مغلیہ سلطنت میں بابر کا عہدِ حکومت، ہمایوں کا پہلا اور دوسرا دورِ اقتدار، دہلی میں سوری خاندان، اکبر کا دورِ حکومت، جہانگیر کا عہدِ حکومت، شاہجہاں کا دورِ حکومت، اورنگزیب کا دورِ اقتدار اور مرہٹوں کا عروج، یورپی تاجروں کی ہندوستان میں آمد، اورنگزیب کے جانشین، پانی پت کی جنگ، مغل اقتدار کا خاتمہ، اور پانی پت کی جنگ کے بعد ہندوستان کی حالت وغیرہ شامل ہیں۔

ہندوستان پر بیرونی حملے، ایسٹ انڈیا کمپنی نے کیسے قبضہ کیا؟ کرناٹک میں انگریزوں اور فرانسیسیوں کی جنگ، بنگال کے واقعات، کلائیو کا دوسرا دور، مدارس اور بمبئی کی صورتحال، وارن ہیسٹنگز کا نظم و نسق، برطانیہ میں ایسٹ انڈیا کمپنی کے معاملات، لارڈ کارنوالس کی انتظامیہ، پارلیمانی کارروائیاں، سر جان شور کا نظم و نسق، لارڈ ویلزلی کا دور، لارڈ کارنوالس کا دوسرا دور، سر جارج بارلو کی انتظامیہ، لارڈ منٹو کا دور، لارڈ ہیسٹنگز کا دور، ایسٹ انڈیا کمپنی کا آخری دورِ حکومت، سر چارلس مٹکاف (عارضی گورنر جنرل)، لارڈ آکلینڈ، لارڈ ایلنبرو کا دور، لارڈ ہارڈنگ کا دور، لارڈ ڈلہوزی کا نظم و نسق، لارڈ کیننگ کا دورِ حکومت وغیرہ۔

اس کے بعد ہندوستان کی پہلی جنگِ آزادی جو 1857ء تا 1859ء تک جاری رہی، ہندوستان میں برطانوی راج، ایسٹ انڈیا کمپنی کی تاریخ اور اس کی کارروائیوں کے نتائج، ہندوستان میں برطانوی راج کے اثرات، ہندوستانی فوج میں بغاوت، ہندوستان میں بغاوت، ہندوستانی سوال، ہندوستان سے موصول ہونے والے مراسلات، یورپ کی سیاسی صورتحال، ہندوستان میں برطانوی آمدنیاں، دہلی کی تسخیر، ہندوستان پر قرضہ، انڈین بل، ہندوستان میں محصولات، صنعتی سرمایہ کاری کا آغاز، حفاظتی تجارتی پالیسی اور آزاد تجارت، ہندوستانی تاریخ کے متعلق یادداشتیں اور کارل مارکس و اینگلز کے خطوط وغیرہ شامل ہیں۔

صفحات: 352