مصنوعات کی معلومات پر جائیں
1 کا 1

پاکستانی فنِ تعمیر | ڈاکٹر غافر شہزاد | مجسموں کی دنیا | میاں آصف رشید

پاکستانی فنِ تعمیر | ڈاکٹر غافر شہزاد | مجسموں کی دنیا | میاں آصف رشید

عام قیمت Rs.3,200.00 PKR
عام قیمت Rs.4,000.00 PKR فروخت کی قیمت Rs.3,200.00 PKR
سیل فروخت ہو چکا
شپنگ کا حساب چیک آؤٹ پر لگایا جائے گا۔
تعداد

پاکستانی فنِ تعمیر۔۔۔ ڈاکٹر غافر شہزاد کی نئی تصنیف۔۔۔

۱۹۴۷ کے بعد پاکستان میں ہونے والی تعمیراتی سرگرمیاں، سیاسی حالات، ملکی و غیر ملکی ماہرینِ فنِ تعمیر، آرکیٹیکچر کی تعلیم دینے والے فنی ادارے، سرکاری تعمیرات، پاکستان میں فنِ تعمیر میں جدیدیت، روایت اور مابعد جدیدیت تحریکوں کے تحت تشکیل پانے والا فنِ تعمیر، پاکستان جیسی نظریاتی ریاست کے قومی تشخص میں فنِ تعمیر کا کردار، و دیگر موضوعات پر پہلی جامع تصنیف۔ فنِ تعمیر کے طلبہ اور پاکستان میں فنِ تعمیر سے دلچسپی رکھنے والوں کے لیے خصوصی پیشکش، رنگین تصاویر کے ساتھ۔

 

میاں آصف رشید کی کتاب " مجسموں کی دنیا " صرف اس مضمون پر اردو زبان میں پہلی اور انوکھی تصنیف نہیں ہے بلکہ اردو زبان و ادب میں ایک گراں قدر اضافہ بھی ہے۔ انہوں نے اس کتاب کے ذریعے قارئین کو مجسمہ سازی کے حوالے سے ہزاروں سال کی انسانی تاریخ و تہذیب سے روشناس کرایا ہے۔ مشہور فرانسیسی ادیب اور آرٹ کے مورخ آندرے مالرو (ANDRE MALRAUX) نے لکھا کہ اس قسم کی کتابیں ایک عجائب گھر اور لائبریری کی مانند ہوتی ہیں۔ اس حوالے سے میاں آصف رشید نے ایک عجائب گھر مرتب کر دیا ہے۔

ڈاکٹر اکبر نقوی

نوٹ: مذکورہ بالا اقتباس کتاب کے شروع میں "تعارف" کے عنوان سے شائع دیباچے سے لیا گیا ہے۔

" مجسمہ سازی کے حوالے سے اس کتاب کی حیثیت ایک تعارفی کتاب جیسی ہے۔ اردو زبان میں مجسمہ سازی کے موضوع پر یہ اولین کتاب ہے۔ اس کتاب کی تکمیل میں سب سے اہم حصہ ہیلر اور ہیو کی سات کتب کی سیریز کا ہے جو 1967 میں THE STORY OF OUR HERITAGE کے نام سے شائع ہوئی تھیں۔ ان کے علاوہ برنارڈ مائرز، کینتھ کلارک، ول ڈیورانٹ، جناب سبط حسن اور استاد عباس جلالپوری کی کتابوں سے بھی ازحد استفادہ کیا گیا ہے۔ یہاں یہ بھی کہنا چاہوں گا کہ یہ سب ایسے سنہرے علم پرور لوگ ہیں جن پر خود علم و دانش کو ناز ہوگا۔ میری اس کتاب کی تمام تر خوبیاں انہیں شخصیات کی مرہونِ منت ہیں۔

آرٹ کی کتابوں کے مصنفین کا متفقہ خیال یہ رہا ہے کہ آرٹ کی کتاب کو خود بھی آرٹ کا ایک مختصر شاہکار ہونا چاہیے۔ آرٹ کی کتاب میں فنکاروں کے شہ پاروں کی تصاویر کو اس انداز میں پیش کیا جانا چاہیے کہ ان میں موجود نغمہ تخلیق اصل کے مطابق ظاہر ہو سکے۔ اس روایت کی پیروی کرتے ہوئے اس کتاب کو معیاری تصاویر سے سجایا گیا ہے تاکہ موضوعات کا ادراک زیادہ سے زیادہ ہو سکے۔ تصویری کتاب کا ایک فائدہ یہ بھی ہے کہ ایسے ملک جہاں خواندگی مفقود اور کتابوں سے رغبت صحرا میں بارش جتنی ہو، وہاں تصویر کی زبان ہر کوئی سمجھ سکتا ہے، ہر وہ شخص جس کے ذوق کی پرورش کی جائے۔ اس کتاب میں شامل تقریباً تمام تصاویر انٹرنیٹ کی مختلف ویب سائٹس سے کاپی رائٹ ایکٹ کی پاسداری کرتے ہوئے حاصل کی گئی ہیں۔ جن تصاویر پر کسی ماخذ کا ذکر نہیں ہے وہ تصاویر انٹرنیٹ پر بھی کاپی رائٹ سے مستثنیٰ ہیں۔ تواریخ اور عجائب گھروں کے ناموں کے لیے گارڈنر ادارے کی کتاب ART THROUGH AGES پر انحصار کیا گیا ہے۔

مکمل تفصیلات دیکھیں