گوتم نال جیٹھرا

اشو لال سائیں سرائیکی زبان کے خوش نصیب تخلیق کار ہیں۔ ان کی شاعری زندگی کے گہرے رموز سے بولتی ہے۔ کئی بار ان کے اشعار کے ذریعے زندگی کی کئی چھپی ہوئی تہیں ہم پر پہلی بار کسی بالکل نئے اور منفرد مفہوم و معنی کے ساتھ کھلتی ہیں۔ ان کی شاعری ہمیں ہماری جانی پہچانی سندھ وادی کے تہذیبی اتار چڑھاؤ میں سے گزرتے ہوئے آج کے انسان کو اس کے پورے خدوخال کے ساتھ پہچاننے کی اندرونی کیفیت تک لے جاتی ہے۔ ان کی ایک نظم کا کچھ حصہ دیکھیے، ہم تو بار بار پڑھتے ہیں اور ہر بار زندگی کی ایک نئی کھڑکی کھل جاتی ہے۔ بے انتہا محبت اشو سائیں۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اندھیروں سے کہا امیدوں کو کہیں

اپنی اپنی آنکھ بنوا کے

دیوار کے اوپر سے ہی

چودہویں رات کا چاند چڑھا کے

دیکھتے ہی دیکھتے

گھٹنے اپنے سینے سے لگا کر

ہمیں اپنی ماں کے پیٹ میں

نیند آ گئی ہے

ہمیں نہیں پتہ تھا

اتنا گھپ اندھیرا ہوگا

آنکھیں ملیں

۔ ۔ ۔ "گوتم نال جھیڑا" سے