میں نے دو طرح کے تراجم کیے، ایک صحافتی زندگی والے اور دوسرے شوقیہ۔ یہ کتاب بہرحال ان دونوں اقسام کا امتزاج ہے۔ بلکہ اس میں بعض تراجم میری طرف سے کیے گئے اور بعض تحریریں شوقیہ یکجا کی گئیں۔ لیکن یہ سب تقریباً صحافتی زمانے یعنی اکیسویں صدی کی پہلی دہائی کی یادگار ہیں۔ یہ کتاب تقریباً سن 2011ء سے تیار پڑی ہوئی تھی۔ خدا جانے کس سبب سے چھپ نہ سکی۔ تحریریں چوں کہ سدا بہار ہیں اس لیے یہ آج بھی تروتازہ ہیں۔ بلکہ بعض تحریروں کی ضرورت تو ہمارے آج کے معروض میں زیادہ اہم معلوم ہوتی ہے۔ کلاسیک ایسا ہی ہوتا ہے۔ ہم اس کلاسیک سے اپنے معروض کو شاید کچھ سمجھ سکیں، یہ تراجم و تحریریں بس اس نیت سے پیش ہیں۔
